O Día do Neno ou Día Universal do Neno e Nena é un día consagrado á fraternidade e comprensión entre os nenos do mundo, e destinado a actividades para a promoción do benestar e dos dereitos dos nenos do mundo.
En 1954, a Asemblea Xeral das Nacións Unidas recomendou que se instituíse en todos os países un Día Universal do Neno e suxeriu aos gobernos estatais que celebraran o devandito Día, na data que cada un deles estimara conveniente. A ONU celebra o devandito día o 20 de novembro, en conmemoración da aprobación da Declaración dos Dereitos do Neno en 1959 e da Convención sobre os Dereitos do Neno en 1989.
O Valedor do Pobo e UNICEF editaron unha guía para felicitar ás familias polo nacemento dun novo membro, e aproveitan este momento tan especial para falar da Convención de Dereitos do Neno e a Nena. Como se di nesta guía, é o tratado internacional máis ratificado do mundo, pero sen embargo un dos que máis se vulnera. Coñecelo é importante, así que adícalle uns minutos e reflexiona sobre o que nela se di. Os nenos son os adultos do futuro, nas nosas mans está a súa educación e coidado, e temos que ensinarlles os seus dereitos e responsabilidades.
Nesta versión de video pódese ver un resumo dos Dereitos do Neno:
Na web do C.E.I.P. Víctor Sáenz, neste link, teñen unha recompilación de materiais para traballar contidos relacionados con esta data: https://sites.google.com/site/recursosdereitosdoneno/
A todos nos gustaría vivir nun mundo mellor, aos nenos tamén. Respetemos os seus dereitos! Ensinémoslles cómo facerse respetar!
Ningún comentario:
Publicar un comentario