Samaín

Os antigos pobos celtas, chegado o final de Outubro, adoitaban celebrar unha gran festa para conmemorar "o final da colleita", bautizada coa palabra gaélica de Samhain. Significa, etimolóxicamente, 'o final do verán'. Rematábase o tempo das colleitas, e a partir de entón, os días ían ser máis curtos e as noites máis longas. Os celtas crían que nesta noite e Samaín ou Samhain (máis coñecida como Halloween), os espíritos dos mortos volvían visitar o mundo dos mortais. Acendían grandes cacharelas para escorrentar aos malos espíritos. Era a festa nocturna de benvida ao Ano Novo.

Para saber máis, podedes seguir lendo o seguinte artigo de Arquehistoria: "Origen de Halloween- Samhain y los celtas"

CELEBRACIÓN

Para celebrar o Samaín podemos:

• Disfrazarnos: de fantasma, morto vivente, bruxo ou bruxa, personaxes de películas de terror, cabaza, gato negro, momia, vampiro,... ou calquera outra cousa que axude a confundir aos malos espíritos nesta noite.

• Ir polas casas ofrecendo "truco ou galano": os nenos van de casa na casa pedindo caramelos. Orixinalmente tratábase da recollida de alimentos para ofrecérllelos aos deuses, fadas, trasnos... para que nos fosen benignos. En caso de alguén non ofrecer nada aos nenos (galano), pode ser obxectos dalgunha broma (truco).

• Facer un calacú tallado: baléirase e tállaselle con orificios imitando a cara dunha caveira, cunha vela acendida dentro. Simboliza ás almas en pena.

• Os doces: en moitos países do mundo o día 1 de novembro está marcado no calendario. Celébrase o Día de Tódolos Santos, no que as familias honran e recordan os seus seres queridos xa falecidos. En torno a este día existen múltiples tradicións, unha delas é culinaria, polo que hai doces típicos deste día: chulas de vento, ósos de santo, panellets ou pan de morto. Podedes ver como facer estes doces na web guiainfantil.com.

RECURSOS

Poderíamos poñer aquí unha lista propia, pero na rede atopamos unha web na que teñen tantas cousas de todo tipo que vos poñemos o enlace directamente: "Recursos para o Samaín", do C.E.I.P. Víctor Sáenz

Poñeremos un vídeo feito polo I.E.S. Melide, con música de Mamá Cabra, e no que explican a festa do Samaín.

Benvida

Benvidos e benvidas a "Galego para nenos"!

Este blog nace coa intención de mellorar a divulgación do galego entre os nenos e nenas, dándolles aos adultos que os educan recursos variados en Galego.

Gustaríanos moito formar unha gran comunidade onde compartir todos os materiais, cancións, poemas, debuxos, historias, vídeos, xogos, tradicións, novas... e así poder transmitirllos aos nosos fillos, sobriños, netos, alumnos ou pequenos amigos interesados en aprender máis de Galicia e da súa lingua. E non só para os que viven en Galicia, que teñen a oportunidade de vivir o día a día en galego, senón tamén para todos aqueles emigrados que teñen nenos pequenos fóra de Galicia e non queren perder a oportunidade de ensinarlles as súas raíces.

Seguide no Facebook a nosa actividade, facede comentarios e aportade as vosas ideas. Estamos encantados de contar con vós, a vosa colaboración é imprescindible.

Moitas gracias por participar deste proxecto.

Votamos a andar!